a a a
 
Evig ung

Evig ung

Hordaland Teater har etter 29 år på Stend og på turne rundt i fylket, endeleg fått seg fast bustad i Bergen sentrum. Vi feirer denne nye starten med ei leiken og musikalsk hyllest til livsviljen og kunstnarleg uttrykksglede.

terningkast 6TERNINGkast 6 i BA!

«Et lynnedslag av musikalitet, humor og overbevisende skuespill. La gjerne «gamlingene» i «Evig Ung» på Logen Teater leve evig.»

Les heile meldinga her

terningkast 5Bergensmagasinet

Evig ung er virkelig morsomt. Det er bare å rose det opplagte og samstemte ensemblet og regissør Hilde Sol Erdal.

 Les heile meldinga her

terningkast 6Åsane Tidene

«Evig ung er et musikalsk teaterdrama hvor replikkene naturlig avløses av sang. Medleyene er imponerende sammensatt. Særlig fusjonen mellom ”Staying Alive” og Gabrielles ”Fem fine frøkner” skal trekkes frem.» Evig ung i Logen teater gir et deilig, ærlig og åpent innblikk i livets siste faser, om man kan si det slik.

Les heile meldinga her

 

I ”Evig Ung på Logen” gjer vi eit kosteleg tankeeksperiment: Kva no om vi - ein gong i framtida – møtte kasserte og avdanka skodespelarar på eit lukka teater? Kva no om både dei og scenekunsten hadde blitt erklært overflødig for samfunnet elles? Kva no hvis desse ein gong så strålande, vitale kunstnarane blei plasserte i eit passiviserande omsorgssystem som ikkje såg kva som budde i dei, men tvert imot behandla dei nedlatande som om dei var brysomme born?

Kva ville skje på ein slik gamleheim? Ville Elisabeth Moberg, Claus Sellevoll, Sigurd Sele, Harald Dahlstrøm, Lars Jacobsen og Katrine Dale resignere for overformynderiet? Eller ville dei gjere opprør og kreve sin rett til å ta plass?

På Logen sit dei gamle pynteleg vagla medan veggklokka tikkar. Ein pleiar ser til at dei er rikeleg medisinerte. Men når den autoritære Syster Oda ( Oda Alisøy) ikkje ser, boblar saft og kraft opp i dei tilsynelatande trøytte kroppane. Då minnest dei tida på scenen og songar som har blitt ein del av deira felles soundtrack. Og her er det rik mogelegheit for publikum til å minnast med dei. Ei perlerekke av kjente rock og poplåtar frå dei siste 50 åra blomstrar opp på scena. Titlar som ”Stayin alive” og ”I will survive” vil for dei fleste bære bud om den livsvilja og det humøret som står i sentrum for denne framsyninga. I selskap med denne gjengen blir det snart reist tvil om dei lar seg kassere på ein gamleheim. Dei har mykje å by på enno.

«Evig Ung» på Logen er basert på ei framsyning som vart produsert på Sogn og Fjordane Teater i vår. Når vi no tek den vidare og plantar den i Bergen er det eit ledd i vårt gode samarbeid med teateret i nabofylket. Vi tør likevel love at ingen skal være i tvil om at denne festen finn stad i Hordaland. Kom og fest i lag med oss!

Foto: Tor Erik H. Mathiesen