a a a

Held Ctrl-tasten nede (Cmd-tasten på Mac). Trykk samstundes på + for å forstørre eller - for å forminske.

instagram twitter facebook
 

Engelen frå Kobane


Original tittel «Angel» av Henry Naylor

I 2014 dukka det opp bilete av ei ung, militært kledd kurdisk jente i sosiale media. Ho heitt Rehana og var jusstudent. Biletteksten fortalde at jenta skulle ha drept over 100 IS-soldatar, i dei harde kampane den kurdiske motstandsbevegelsen utkjempa for fridom i grensebyen Kobane. Biletet av Rehana vart delt fleire tusen gonger, og ho fekk tilnavnet «Angel of Kobane».

Historia om Rehana er ei fiksjonsforteljing, basert på ei myte. Men alt som skjer i historia, har skjedd, og skjer framleis – i verda, i dag. Gjennom dei umenneskelege vala og utfordringane Rehana vert stilt ovenfor, får vi eit tankevekkjande innblikk i kor sårbart det er å vere ei ung kvinne i den pågåande konflikten i Syria. Ein krig som har skapt vår tids største humanitære tragedie, og der halve befolkninga er driven på flukt.

«Engelen frå Kobane» er skrive av den britiske dramatikaren Henry Naylor, og er siste del av hans trilogi om konfliktane i Midt-Austen. Stykke har vunne fleire prisar og motteke strålande kritikkar, som eit svært engasjerende og hyperaktuelt drama. Noregspremiere på Hordaland Teater 4. september.